Kesah Oloh Pamburung

“IHAT KAMBURAU ITAH”

Tege ije biti oloh hatue, je penampilan sama raja gaya kea. Hung sinde katika, ie kenalan dengan ije biti uluh bawi. “Aka keren tutu,” kuan bawi te. “Haw, iyelah”, kuan hatue te, sambil mamarut balaue. Hanyak kea mampaluae HP epat-lime kabawak.

“Haw, mias kare hp mu , aka?” kuan bawi te. “Yoh punae akan cadangan”. kuan hatue te.

“Aka, bagawi hung kueh, ampi puna still, tuh” kuan je bawi. “Oh, bagawi biasa ih,” “narai nah.” kuan bawi te misek. “Aku tuh, “pamburung”. Waoowww!!! keren, tutu aka tuh.” Hanjak bawi te.
Palus ie, mimbit maja, handak mansanan akan indange, basa ie jadi sundau dengan uluh hatue, je jari bagawi. Sana sampai intu huma, palus ie mansanan akan indange, “Oo... mai, tuh kawalku, ie tuh jadi bagawi, ie ije biti “pemborong”, kuae. “Haw, tutu nah ken.?” “Yoh, puna tutu ih mina.” kuan hatue te tumbah.

“Hung kueh ekam bagawi, nah aken.?” Kejau, mina” kuae tinai. “ Yoh, dia en ih je pasti puna bagawi. Hanjak tutu, ampin mina te awi, dinun calon manantu “pemborong.

Awi puna mina kau, mikeh calon manantue te, induan uluh (istilah pindah ke lain hati), gulu-gulung ie mamakat kare keluarga, uka gulung mangawin anake dengan “pamburung” te.

Singkat kesah, bawi dengan “pamburung” te kawin. Sana limbah kawin, manantue tuh melai hung eka empue je bawi te. Pire-pire andau,  minggu jadi, manantu tuh cara melai humah ih. dia lalau balua huma, jatun ampie je kilau handak tulak bagawi.

Hung ije andau, misek ih empue kau dengan, manantu je rahat mancas Hp, lime kawak nah. “Haw, aken, lalehan kakare Hp ayum tuh.” kuan empue. “yoh mina, puna akan cadangan.” Puna tamam kea ikau tuh aken, bujur tutu “pemborong” ampie ikau, tuh.” kuan mina. “Pea ikau tulak bagawi nah aken, gitangku, pire-pire andau tuh, hindai puji tulak bagawi. “Yoh, mina, awi hindai wayah (musim).” “Oh....? kuan mina, Itung mina te wayah, proyek. Palus benyem kea mina te, magun percaya manantu puna “pemborong”.

Pire-pire minggu tinai mahalau, manantu tuh manatap arep, handak tulak mamburung, ma'asa pisau, manangking HP je lime kabawak nah, mahapan baju pakaian kilau handak tulak akan parak kayu, mantajuk sarangan sambulut. “Oh, andi..... Oh mina,..... tulak aku tuh.” “kan kueh ikau nah aken?” kuan mina misek. “Aku handak tulak “mamburung”, sampai ndai wayah bua lunuk, tesek burung.”

“HAAAAAAHHHHHHH!!!!!!!!!! Mina te tarewen, palus tujah. “Boh, narai mawi mina tuh.!” kuan manantue,”Ayu andi, dohop, mina tuh tujah. Mikeh strock herahe,?!” kua manantu. “Ye ganan gawim te, mananjaru aku, mananjaru umai.” Mangaku “pemborong” sakalinya “pamburung” (panyambulut burung) dan pembohong.!!' “Boh, aku bara sulake jari mamander, gawingku te “pamburung” dia je “pemborong”. “Akan narai Hp je lalau kakare nah.?” Boh, akan cadangan, Hp te tege suara burung, amun drop ije hapan ije tinai.” “Yewut ku hapan mahubung kare pimpro.” kuan bawi te, manyasal.

Huhh... hureh..... Lalau kea.....

PETEH PEYANG :

1. Ela lalau karas lecak, bagaya penampilan, mikeh oloh sala anggapan, tuntang lalau babehat ongkos. Keleh belum sederhana, apa adanya.

2. Ela lalau mintih manggau kawal belum, Ela baya manampayah penampilan luar ih, mikeh sala intih. Tapi dia kea je barangai, buju-bujur misek titip tarah mikeh sala anggapan, mikeh sala hurui daha, keleh barendeng

3. Ela helu percaya auh uluh, bukti te je hapan. Oloh bakas ela lalau memaksa kahandake akan anak, tau manyasal, awi wayah tuh dia jaman Sitinurbaya.

(Balaku maaf amun tege je jadi “pamburung” lah, jetuh baya kesah “Kamburau” ih).