Sansana Magah Tiruh
Metuh indu Palui rahat mampukan hung talian, tege oloh lewu dinun mandup, ije kungan bajang. Pas mahalau baun indu Palui, hamau indu Palui, "Haw ..... narai dunun ketun...?" Palus tende oloh te. "dinun bajang, mandup endau." "Ooiiii.... kuan indu Palui. Tamam rajakin ketun lah?!" "Yoh... ampin asi kea..!" kuan oloh te.
"Tuh, nenga ku akam kuluk bajang tuh."! Kuan oloh te. "Aduh.... Tarima kasih..... ampin rajaki sama tabarung tuh.!" kuan indu Palui.
Balalu mahalau oloh je buli mandup te (tau Sangumang herahe.... hehehe....)
Hanjak atei indu Palui, nenga oloh kuluk bajang. Palus ie mangkuak kuluk bajang te intu tunggul saran talian, awi iye magun deroh mampukan.
Metuh indu Palui, buli akan huma/pasah, talingaue mimbit kuluk bajang nah. Ye, indu Palui manyuhu bapa Palui manduan kukuk bajeng te.
"Oo... bapa Palui, ayu nduan kuluk bajang hung talian kanih, tege nenga oloh endau. Gulung aku mampakasak akan itah.
Harikas kea bapa Palui manalih talian handak manduan kuluk bajang nah. Sana sampai talian, kilik balingau, bapa Palui dia ie sundau kuluk bajang te,
Hung atei bapa Palui, "kueh ie kuluk bajang je kuan indu Palui nah, dia kau gitee."?!
Kili-kilik manaharep danum, salenga gitan bapa Palui, kuluk bajeng te hung penda danum kanih. "Boh..! kilen kuluk bajang te tege hung penda danum kanih..!" kuan atei bapa Palui.
Palus bapa Palui maneser kuluk bajang te. Lop.... lop.... maneser, dia tau sunda-sundau. Sampai hangos bapa Palui, puna dia tau sundau kuluk bajang te.
(pea katau sundau penda danum kanih, amun kuluk bajang te kua-kuak intu hunjun tunggul, dia je leteng penda danum, je gitan bapa Palui nah baya kangkalingen kuluk bajang ih).
Ye buli bapa palui akan huma, mansanan akan indu Palui. Kuan bapa Palui dengan indu Palui. “Jatun kuluk bajang je kuam nah indu Palui. sadang aku maneser kuluk bajang te, sampai handak matei aku hangos, puna dia tau sundau kea.”!
“Lalau kea, je kabureng, kapaleng, kamamehmu ikau tuh bapa Palui...!!!!” Kuluk bajang te dia je penda danum kanih, tapi hunjun tunggul. Ikau te nah baya maneser kangkalingen kuluk bajang te ih....!! “Lalau kamamehmu ikau tuh..!”
Haran kasangit indu Palui, balalu indu Palui manatal kuluk bapa Palui, mupet ngisai indu Palui baun matan bapa Palui, lepah balua kare kitat borek bapa Palui kahain uwei bajungan, kacok-ngiruk ndega-negah indu Palui pinding bapa Palui, tampasing kare taning bapa Palui kahain sangkalan; mukul natal indu Palui palus balua “bontang ameh bapa Palui. Ye bapa Palui terai ndai humung, mameh....... gkgkgkgkgkgkkkkk
LEPAH KESAH.
PETEH PENYANG :
1. Sarita tuh baya kamburau oloh bakas helu, hapa magah tiruh akan anak tabela.
2. Sarita tuh akan indu tanding tampengan, ela itah manjadi oloh je humung, paleng, mameh kilau bapa Palui. Awi te keleh itah sakula buju-bujur. Hining tingak ajar uluh bakas.
3. Taluh gawin indu Palui te dia tau inyuntu, awi jete baya kesah ih. Ela itah manumun taluh je dia bahalap kilau gawin indu Palui te, je inyewut uluh wayah tuh “KDRT” tau buah hukum aparat.
4. Helu bara malalus gawi, keleh marima bua-buah, uka gawi te dia hayang mananya.
(kesah tuh indahang awi Willy Untung tuntang Ariana Suhin, tau pahari je beken mandahange, mangat sasar tinduh) Trms.
Metuh indu Palui rahat mampukan hung talian, tege oloh lewu dinun mandup, ije kungan bajang. Pas mahalau baun indu Palui, hamau indu Palui, "Haw ..... narai dunun ketun...?" Palus tende oloh te. "dinun bajang, mandup endau." "Ooiiii.... kuan indu Palui. Tamam rajakin ketun lah?!" "Yoh... ampin asi kea..!" kuan oloh te.
"Tuh, nenga ku akam kuluk bajang tuh."! Kuan oloh te. "Aduh.... Tarima kasih..... ampin rajaki sama tabarung tuh.!" kuan indu Palui.
Balalu mahalau oloh je buli mandup te (tau Sangumang herahe.... hehehe....)
Hanjak atei indu Palui, nenga oloh kuluk bajang. Palus ie mangkuak kuluk bajang te intu tunggul saran talian, awi iye magun deroh mampukan.
Metuh indu Palui, buli akan huma/pasah, talingaue mimbit kuluk bajang nah. Ye, indu Palui manyuhu bapa Palui manduan kukuk bajeng te.
"Oo... bapa Palui, ayu nduan kuluk bajang hung talian kanih, tege nenga oloh endau. Gulung aku mampakasak akan itah.
Harikas kea bapa Palui manalih talian handak manduan kuluk bajang nah. Sana sampai talian, kilik balingau, bapa Palui dia ie sundau kuluk bajang te,
Hung atei bapa Palui, "kueh ie kuluk bajang je kuan indu Palui nah, dia kau gitee."?!
Kili-kilik manaharep danum, salenga gitan bapa Palui, kuluk bajeng te hung penda danum kanih. "Boh..! kilen kuluk bajang te tege hung penda danum kanih..!" kuan atei bapa Palui.
Palus bapa Palui maneser kuluk bajang te. Lop.... lop.... maneser, dia tau sunda-sundau. Sampai hangos bapa Palui, puna dia tau sundau kuluk bajang te.
(pea katau sundau penda danum kanih, amun kuluk bajang te kua-kuak intu hunjun tunggul, dia je leteng penda danum, je gitan bapa Palui nah baya kangkalingen kuluk bajang ih).
Ye buli bapa palui akan huma, mansanan akan indu Palui. Kuan bapa Palui dengan indu Palui. “Jatun kuluk bajang je kuam nah indu Palui. sadang aku maneser kuluk bajang te, sampai handak matei aku hangos, puna dia tau sundau kea.”!
“Lalau kea, je kabureng, kapaleng, kamamehmu ikau tuh bapa Palui...!!!!” Kuluk bajang te dia je penda danum kanih, tapi hunjun tunggul. Ikau te nah baya maneser kangkalingen kuluk bajang te ih....!! “Lalau kamamehmu ikau tuh..!”
Haran kasangit indu Palui, balalu indu Palui manatal kuluk bapa Palui, mupet ngisai indu Palui baun matan bapa Palui, lepah balua kare kitat borek bapa Palui kahain uwei bajungan, kacok-ngiruk ndega-negah indu Palui pinding bapa Palui, tampasing kare taning bapa Palui kahain sangkalan; mukul natal indu Palui palus balua “bontang ameh bapa Palui. Ye bapa Palui terai ndai humung, mameh....... gkgkgkgkgkgkkkkk
LEPAH KESAH.
PETEH PENYANG :
1. Sarita tuh baya kamburau oloh bakas helu, hapa magah tiruh akan anak tabela.
2. Sarita tuh akan indu tanding tampengan, ela itah manjadi oloh je humung, paleng, mameh kilau bapa Palui. Awi te keleh itah sakula buju-bujur. Hining tingak ajar uluh bakas.
3. Taluh gawin indu Palui te dia tau inyuntu, awi jete baya kesah ih. Ela itah manumun taluh je dia bahalap kilau gawin indu Palui te, je inyewut uluh wayah tuh “KDRT” tau buah hukum aparat.
4. Helu bara malalus gawi, keleh marima bua-buah, uka gawi te dia hayang mananya.
(kesah tuh indahang awi Willy Untung tuntang Ariana Suhin, tau pahari je beken mandahange, mangat sasar tinduh) Trms.
Tidak ada komentar:
Posting Komentar