BAPA TAMBIR dengan BAJANG-BAWUI

SANSANA MAGAH TIRUH
Jaman huran metu satua dengan olon kalunen te belom hinje, tuntang bahasa rasuk uras.
Bawui bajang pakat dengan ulun kalunen.

Hung sinde katika
bapa Tambir ewen ndue indu Tambir sampai wayah lau, jatun ati kare balut, panginan. Salenga tapikir awi bapa Tambir, tiruk itung je dia bahalap : “keleh kue mampatei bajang – bawui ih akan balut itah,” kuan bapa tambir. Haw, tau te kuan indu Tambir. Kanampie carae..? Aku pura-pura matei, ngujuh arepku, kareh ikau manutup aku dengan kain kaci, palus ikau menangis-manatum aku. Amun kawan bajang, bawui dumah te metuh ie laya palus aku marawus hingkat manejep metu te. Yoh ih, kuan tumbah indu Tambir.

Ye, bapa Tambir kau mangujuh arepe, palus inutup indu Tambir hapan kaci. Te, indu Tambir kau, pura-pura menangis-manatum, ngui…..ngui…nguiii….., lehan kapuru-purum malihi aku nah bapa Tambir….ngui….ngui…nguiiii….. (tamam kea ekting indu tambir kau, sama kilau hung sinetron).

Dia pire-pire katahie, palus tumbur, kare bajang-bawui, metu satua…. Ambuhen ikau nah indu Tambir, ye, bapa Tambir tuh malihi aku…. Ngui….ngui…nguiii….. jajuan ih tangis indu Tambir. Ngasi kea ampin bajang-bawui, kawan metu, manyewut je tutu bapa tambir matei.

Salenga hamauh ih ingkir bara hunjun, (gitae ampie akal tanjarun bapa Tambir ewen ndue kabalie je pura-pura padahal handak manejep bawui-bajang te) : “Bitep, birep matan bapa Tambir…. Banyihi pisau bapa Tambir" (kuan ingkir). “Kareh aku manganti balum” (kuan bajang tumbah).; Bitep-birep matan bapa Tambir, … banyihi pisau bapa Tambir" (kuan ingkir); “Kareh aku manganti balum” (kuan bajang).

Narai taluh ati kunyut-kanyat bapa Tambir kau dia ulih manyarenan arepe. Awi tanjarue katawan, bajang-bawui. Palus hadari kawan bajang-bawui, metu satua : “ela-ela itah pakat kalunen, ewen handak mamunu mampatei itah akan balut ewen.
Ye, palus tuh, metu satua, bajang-bawui dia tau pakat dengan kalunen.

RIMAE :
1. Ela belum kilau pagar kuman taluh imbul.
2. Ela awi handak mampamangat arep purun mangapehe uluh beken.
3. Taluh gawi je sala akan katawan kajaria

Ulangan 25:16 “Sebab setiap orang yang melakukan hal yang demikian, setiap orang yang berbuat curang, adalah kekejian bagi TUHAN, Allahmu.";
Yakobus 3:16 “Sebab di mana ada iri hati dan mementingkan diri sendiri di situ ada kekacauan dan segala macam perbuatan jahat.”