Batu Banama – Bawi Kuwu
Katika huran, tege hung ije lewu belum ije uluh bawi bahalap, ie inggare “bawi kuwu” (uluh bawi je rajin manguwu, mangurung arep hung huma, jahai balua bara huma), ie tege ije anak hatue je inggare arae “Kilin”. Metuh kurik Kilin kau, bangang dengan anak uluh lewu je sapantar. Sampai andau sasanja, ie buli akan huma, awi kanaie jari balau, ie balaku dengan indue panginan.
“Oo... umai..... kanaingku balau, aku handak kuman.” Kuan Kilin muneh indue. “jatun anak tege bari ih kanih, jatun balut.” kuan indue. “Nyangai bari barangai, mai.” kuan Kilin. Ye indue palus manyanga bari. Awi jajuan kea kalau kanain Kilin kau nah, te ie tangi-tangis managih indue. Indu metuh rahat manyanga bari hapan suduk. “Gulung mai, gulung, balau aku.” kuan Kilin. “Sabar, sabar.... hindai masak...” kuan indue, jajuan kea Kilin kau nyamah menangis. Muneh bari sanga te.
“Lalehan ikau tuh..!” kuan indue, “Dia tau je sabar, pea ‘kau tau handak pagulunge, amun puna hindai masak nah!! Haran karise indue te, palus ie mancatok kuluk Kilin hapan suduk Sanaman te. “Tok!” palus bahimang kuluk Tangkiling te. Hasu-hasur sinde dahan kuluk Kilin. Haranan kapehe angat Tangkiling palus manyalu, buhau bara huma, malihi indue kabuat melai huma.
Karas kanyasal indu Kiilin, awi talanjur mancatok kuluk anake, sampai badaha. Ie mangau anake, mangumbang hapus lewu, jatun ati sundau.
Ampie lague, Kilin lumpat akan banama (kapal) uluh, palus ie umba banama te namuei akan lewun uluh je kejau, dia katawan batang danum neteie.
Hapus bulan, baganti nyelu, leteng kesah Bawi Kuwu je mancatok kuluk anake, sampai bahimang.
Hung sinde katika. Tege ije kapal sadagar, tende hung talian lewu. Sadagar te uluh ije bakena bau matae, tuntang are ramu panataue. Tara hining hung lewu te tarung sarita uluh, basa tege ije uluh bawi bahalap, ije inggare “bawi kuwu”.
Ye, palus sadagar te manalih bawi kuwu, palus manduan ie akan sawae. Bawi kuwu te, hakun kea dengan sadagar je bakena, balalu ie umba sadagar melai hung banama te.
Ewen ndue puna sinta tutu, belum hanjak sanang. Hung ije katika, Sadagar te mangamue, balaku sawae, manggau uan hung kuluke.
Metuh bawi kuwu, manggau uan banae, salenga tarewem ie manampayah tege awan himang melai kuluk banae, palus ie misek : “Haw... aka.... narai mawi kulukm, tege awan himang ampie tuh..?” sadagar te, balalu bakesah. “Yoh, andi, awan himang tuh, tahi jadi. Metuh aku kurik awi aku balaku bari sanga dengan umaiku, ie sangit, palus mancatok aku dengan suduk sanaman, mawi kulukku bahimang. Awi te aku buhau bara huma palus tulak namuei, sampai katika tuh aku dia katawan ndai hung kueh eka umaiku te.” kuan sadagar.
Palus tarewen sabanen bawi kuwu, palus ie hamauh dengan sadagar te : “Haw...! ikau tuh anakku, aku tuh indum...!” Dia tau kue hinje.” kuan bawi kuwu. “Dia mungkin” kuan sadagar. “Ela, anak, ela.... ikau tuh anakku je inggareku “Kilin”! Ela anak.... tau ikau tulah..!!”
Palus tarewen kea Sadagar te, lehae je katawae arangku “Kilin” kuae. Tapi jajuan ie malawan, basa puna bawi kuwu bawi je bahalap, tampayahe puna tabela. “Dia mungkin ikau tuh umaiku, kuan Kilin. Amun ikau umaiku, pasti ikau jari bakas. Buah sapa aku amun ikau puna umaiku.” kuan Kilin.
“Dia, dia, dia mungkin!! Jajuan iye malawan, ie dia mangaku bawi kuwu te puna indue.
Palus dia pire, langit kaput, riwut barat Kilin g, Tir, tar, nyahu kilat, ujan papak panggar, “Ikau tuh anakku Tangkiling kuan bawi kuwu,” “dia, dia... kuan sadagar te. Ye ujan jajuan paham, nyahu kilat, riwut barat paham tutu. “Tir!!! Tar!!! palus taluh handiai SALUH, Kilin saluh manjadi Batu, kare uluh je umba Kilin uras saluh manjadi batu. “Banama eka Bawi Kuwu, saluh manjadi Batu Banama, atun hung saran Bukit Batu "Kilin" je kajaria nyewut uluh arae “Tangkiling”.
Samandiai uras saluh manjadi batu, tapi Bawi Kuwu magun belum melai huang Batu Banama.
Manumun kesah uluh bakas huran, pire-pire nyelu, bawi kuwu tau mampalua lenge, mahalau basengok banama je manjadi batu te. Uluh lewu tau manenga kare sirih pinang akn bawi kuwu hapae manyipa dan kuan uluh bawi kuwu te puna apik menjahit, manyulam. Awi tege uluh je bahiri dengan kahalap bawi kuwu, metuh bawi kuwu mansuluh lengee, tege uluh je menetek lengen bawi kuwu. Limbah te dia katawan kabar bawi kuwu, en ie matei atawa gaib.
Dan atun uluh je tau mantehau Bawi Kuwu je melai huang batu banama, ie tau umba tame ‘kan huang banama, hete magun atun kare panatau Sadagar Kilin atau Tangkiling.
Bukit Tangkiling te sampai wayah tuh tatap akan sewut sarita, tuntang kea Batu Banama je tege melai hete, puna tau akan Obyek Wisata. Baya kurang ampin uluh maharague wayah tuh. Malah are batu bara Bukit Tangkiling te musit uluh akan injual, hapa mamangun human uluh are.
(amun kesah tuh tege je balihi, atawa tege je sala, balaku maaf, tau pahari handiai mangambuahe, awi hapan pangingat ih)
PETEH KESAH :
1. Amun busik bangang ela dia mingat andau tuntang waktu, ela sampai balau kanai, meher.
2. Amun uluh bakas maningak majar itah, ela sampai buhau bara huma, palus dia buli-buli, malayau.
3. Anak te keleh rati-rati, ela lalau mamparise uluh bakas, awi tau tulah. Keleh hurumat bapam tuntang indum, mangat ikau baumur panjang, batuah tuntang marajaki.
4. Manjadi uluh bakas, babuah mahaga tuntang majar anak, ela sampai itah manyapa anak jarian itah. Ela itah mawi mangapehe anak itah lalau karas.
gambar batu banama
Katika huran, tege hung ije lewu belum ije uluh bawi bahalap, ie inggare “bawi kuwu” (uluh bawi je rajin manguwu, mangurung arep hung huma, jahai balua bara huma), ie tege ije anak hatue je inggare arae “Kilin”. Metuh kurik Kilin kau, bangang dengan anak uluh lewu je sapantar. Sampai andau sasanja, ie buli akan huma, awi kanaie jari balau, ie balaku dengan indue panginan.
“Oo... umai..... kanaingku balau, aku handak kuman.” Kuan Kilin muneh indue. “jatun anak tege bari ih kanih, jatun balut.” kuan indue. “Nyangai bari barangai, mai.” kuan Kilin. Ye indue palus manyanga bari. Awi jajuan kea kalau kanain Kilin kau nah, te ie tangi-tangis managih indue. Indu metuh rahat manyanga bari hapan suduk. “Gulung mai, gulung, balau aku.” kuan Kilin. “Sabar, sabar.... hindai masak...” kuan indue, jajuan kea Kilin kau nyamah menangis. Muneh bari sanga te.
“Lalehan ikau tuh..!” kuan indue, “Dia tau je sabar, pea ‘kau tau handak pagulunge, amun puna hindai masak nah!! Haran karise indue te, palus ie mancatok kuluk Kilin hapan suduk Sanaman te. “Tok!” palus bahimang kuluk Tangkiling te. Hasu-hasur sinde dahan kuluk Kilin. Haranan kapehe angat Tangkiling palus manyalu, buhau bara huma, malihi indue kabuat melai huma.
Karas kanyasal indu Kiilin, awi talanjur mancatok kuluk anake, sampai badaha. Ie mangau anake, mangumbang hapus lewu, jatun ati sundau.
Ampie lague, Kilin lumpat akan banama (kapal) uluh, palus ie umba banama te namuei akan lewun uluh je kejau, dia katawan batang danum neteie.
Hapus bulan, baganti nyelu, leteng kesah Bawi Kuwu je mancatok kuluk anake, sampai bahimang.
Hung sinde katika. Tege ije kapal sadagar, tende hung talian lewu. Sadagar te uluh ije bakena bau matae, tuntang are ramu panataue. Tara hining hung lewu te tarung sarita uluh, basa tege ije uluh bawi bahalap, ije inggare “bawi kuwu”.
Ye, palus sadagar te manalih bawi kuwu, palus manduan ie akan sawae. Bawi kuwu te, hakun kea dengan sadagar je bakena, balalu ie umba sadagar melai hung banama te.
Ewen ndue puna sinta tutu, belum hanjak sanang. Hung ije katika, Sadagar te mangamue, balaku sawae, manggau uan hung kuluke.
Metuh bawi kuwu, manggau uan banae, salenga tarewem ie manampayah tege awan himang melai kuluk banae, palus ie misek : “Haw... aka.... narai mawi kulukm, tege awan himang ampie tuh..?” sadagar te, balalu bakesah. “Yoh, andi, awan himang tuh, tahi jadi. Metuh aku kurik awi aku balaku bari sanga dengan umaiku, ie sangit, palus mancatok aku dengan suduk sanaman, mawi kulukku bahimang. Awi te aku buhau bara huma palus tulak namuei, sampai katika tuh aku dia katawan ndai hung kueh eka umaiku te.” kuan sadagar.
Palus tarewen sabanen bawi kuwu, palus ie hamauh dengan sadagar te : “Haw...! ikau tuh anakku, aku tuh indum...!” Dia tau kue hinje.” kuan bawi kuwu. “Dia mungkin” kuan sadagar. “Ela, anak, ela.... ikau tuh anakku je inggareku “Kilin”! Ela anak.... tau ikau tulah..!!”
Palus tarewen kea Sadagar te, lehae je katawae arangku “Kilin” kuae. Tapi jajuan ie malawan, basa puna bawi kuwu bawi je bahalap, tampayahe puna tabela. “Dia mungkin ikau tuh umaiku, kuan Kilin. Amun ikau umaiku, pasti ikau jari bakas. Buah sapa aku amun ikau puna umaiku.” kuan Kilin.
“Dia, dia, dia mungkin!! Jajuan iye malawan, ie dia mangaku bawi kuwu te puna indue.
Palus dia pire, langit kaput, riwut barat Kilin g, Tir, tar, nyahu kilat, ujan papak panggar, “Ikau tuh anakku Tangkiling kuan bawi kuwu,” “dia, dia... kuan sadagar te. Ye ujan jajuan paham, nyahu kilat, riwut barat paham tutu. “Tir!!! Tar!!! palus taluh handiai SALUH, Kilin saluh manjadi Batu, kare uluh je umba Kilin uras saluh manjadi batu. “Banama eka Bawi Kuwu, saluh manjadi Batu Banama, atun hung saran Bukit Batu "Kilin" je kajaria nyewut uluh arae “Tangkiling”.
Samandiai uras saluh manjadi batu, tapi Bawi Kuwu magun belum melai huang Batu Banama.
Manumun kesah uluh bakas huran, pire-pire nyelu, bawi kuwu tau mampalua lenge, mahalau basengok banama je manjadi batu te. Uluh lewu tau manenga kare sirih pinang akn bawi kuwu hapae manyipa dan kuan uluh bawi kuwu te puna apik menjahit, manyulam. Awi tege uluh je bahiri dengan kahalap bawi kuwu, metuh bawi kuwu mansuluh lengee, tege uluh je menetek lengen bawi kuwu. Limbah te dia katawan kabar bawi kuwu, en ie matei atawa gaib.
Dan atun uluh je tau mantehau Bawi Kuwu je melai huang batu banama, ie tau umba tame ‘kan huang banama, hete magun atun kare panatau Sadagar Kilin atau Tangkiling.
Bukit Tangkiling te sampai wayah tuh tatap akan sewut sarita, tuntang kea Batu Banama je tege melai hete, puna tau akan Obyek Wisata. Baya kurang ampin uluh maharague wayah tuh. Malah are batu bara Bukit Tangkiling te musit uluh akan injual, hapa mamangun human uluh are.
(amun kesah tuh tege je balihi, atawa tege je sala, balaku maaf, tau pahari handiai mangambuahe, awi hapan pangingat ih)
PETEH KESAH :
1. Amun busik bangang ela dia mingat andau tuntang waktu, ela sampai balau kanai, meher.
2. Amun uluh bakas maningak majar itah, ela sampai buhau bara huma, palus dia buli-buli, malayau.
3. Anak te keleh rati-rati, ela lalau mamparise uluh bakas, awi tau tulah. Keleh hurumat bapam tuntang indum, mangat ikau baumur panjang, batuah tuntang marajaki.
4. Manjadi uluh bakas, babuah mahaga tuntang majar anak, ela sampai itah manyapa anak jarian itah. Ela itah mawi mangapehe anak itah lalau karas.
gambar batu banama
Tidak ada komentar:
Posting Komentar