Hung sinde katika Abunawas mambelom Sapi, haranan kakulas Abunawas manggau uru tuntang mampakanae, sapi te paringkong, lalau ampie karingkong dia tahi palus matei sapi Abunawas.
Abunawas manyasal awi sapie matei ; "sayang kea sapiku kau", amun kinan narai je kinan uras tulang ih. “Keleh aku manjual akan maharaja”, kuan atei Abunawas. Tapi dia handak maharaja mamili amun paringkong. (Abunawas dia kurang akal) : "Nauh ih helu nunggu kadue-katelo, sampai hantun sapi kau "buntau" (kembang maram). kuan tiruk Abunawas.
Singkat kesah hantun sapi kau buntau, palus padimpah Abunawas hantun sapi kau hung silan sungei, makang hapan kayu hung karambang tere-tereng ih hantun sapi kau kembang hai.
Te palus Abunawas tulak akan istana maharaja. "Oi, Maharaja! kuan Abunawas. 'Narai nah' kuan Maharaja.
"Aku Abunawas handak manjual sapi akam! Haw bujurkah...?” kuan maharaja. “Bujur..!”
“Baseputlah sapim te?” kuan Maharaja.
“Boh....! mapai aku manjual akam amon paringkong.” kuan Abunawas. “Yoh ih...!” kuan maharaja.
"Pire regae nah Abunawas..?" (pisek maharaja)
Murah ih maharaja, baya 5 juta rupiah ih.!” kuan Abunawas.(baya)
“Amun kilau te, Dil!” kuan Maharaja.
“Ela helu!” kuan Abunawas : harus tege "hitam di atas putih"
"Haw....“Narai auhe..?” kuan maharaja?
“Kilau tuh kuan Abunawas : "Aku maharaja mamili sapi Abunawas, dengan regae 5 jt rupiah "HARGA MATI".
“Oh, amon camte, gampang!” kuan Maharaja. “Ayu ajudan nampa Surat Perjanjian kau.!”
Limbah jadi manampa Surat Perjanjian Jual Beli kau Maharaja palus manalih eka Abunawas handak manduan sapi nah.
"Kueh iye sapi nah Abunawas,” kuan Maharaja. "Te kanih hung dipah, tere-tereng ih". kuan Abunawas.
Waaaoowww!!! "Baseput tutu sapim kau...”!! kuan maharaja, “dia manyasal aku mamilie.”
“Yoh ..” kuan Abunawas. “Ingat HITAM DIATAS PUTIH” dan "HARGA MATI", kuan Abunawas,
“Boh! mapai aku dia bingat”!! kuan Maharaja. “”Sipppp!!!” kuan Abunawas (sambil mantajuk jempol).
Palus maharaja dimpah dengan ajudan handak manduan sapi kau, sasar tukep, nampaur ewau karam, hakies, halangau ndai.
“Boh sapi matei maram je injual Abunawas toh. Leha kabureng Abunawas kau!! Ayo tawan Abunawas kau, hukum patei ie kau manjual sapi matei akangku!”” kuan maharaja.
Ye sana tatekap Abunawas. imbit prajurit manaharep maharaja. "Ikau toh manjual sapi matei akangku, humung, panipu ikau toh.!!!!” kuan maharaja. “Hukum patei ku ikau!!!" kuan Maharaja.
“Stop! tunggu helu!” kuan Abunawas. “Dia aku je sala, itah ‘kan jari sepakat "HITAM DIATAS PUTIH" dan "HARGA MATI" kuan Abunawas. “Coba mbasa surat kau!!” kuan Abunawas (pina musti Abunawas marentah maharaja). Ye, maharaja mambasa surat perjanjian ewen nah, je kilau tuh auhe :
"Aku maharaja, mamili sapi Abunawas, dengan regae 5 juta rupiah "HARGA MATI".
“En, en?”. “Dia sala aku kan?” kuan Abunawas “Amon jadi tege hitam diatas putih dia tau balang, dan ela manyala aku, maharaja jari hamauh “ DIL!” 5 jt "HARGA MATI", dia kare "harga belum". kuan Abunawas.
Palus mangayau kolok ih Maharaja, kalah salapak dengan Abunawas. “Sinde tuh manang ikau Abunawas!! awi tege “Hitam Di atas Putih” kuan maharaja dengan Abunawas.
Dia tapa lawan kea je Abunawas kau. gakgakgakagakagakkkkk....ckckckckckk.
RIMAE :
1. Ela bakulas kilau Abunawas, maharagu sapi mahin dia ulih, sampai matei maringkong sapi dia ulihe pakanae. Are itah tamam handak mahaga bawui, manuk, mahaga laok hung kolam atawa karamba, mahaga kare burung, tapi dia ulih maharague, mampakanae.
2. Ela kilau maharaja je purah impahumung oloh, awi tamam auh promosi, padahal manjual karam taluh.
3. Amun manampa Surat Pernyataan, Surat Perjanjian Surat-surat penting beken, keleh titip tarah mambasae, marimae, ela-ela kareh tau mangapehe itah kabuat.
4. TRIMS jari mambasa kesah kamburau tuh.
Tidak ada komentar:
Posting Komentar