SANGUMANG MANDOP dengan INGKIR
Hung sinde katika Sangumang tulak mandop tinai (awi puna hobbye mandop te), te Sangumang mantehau asue : “ iiiiiiiiiiiiiiiiiiuu.........!!!!!! iiiiiiiiiiuu..........!!!” Palus dumah asun Sangumang menuntut ...... tanjung Sangumang.... manintu himba buang.
Sana sampai himba te asun Sangumang , malayap, puna asue intihan je Menteng.
Salenga mangang, patahan asun Sangumang te.... : “gu...gu...gu....guuuuu.......!!!!
Ye..!! te...! KuDan atei Sangumang. “Patahan metu auhe.” Sakalinya asu te mangang ingkir. Palus Sangumang mantajuk sipet, handak manyipet ingkir.
“Ela.....ela....ela.... !“ kuan ingkir. “ampun aku...!” Kareh aku mandup akam kare bawui ...” kuan ingkir. Ye, Sangumang balang manyipet ingkir.
Pea hureh baka, puna tutu ih ingkir mimbit Sangumang akan ije hantakep. Kuan ingkir : “ ikau mentai hung hetuh ih, sabar mentai, bawui mahalau, ela ikau habut, ikau ih mintihe..... amun puna pas angat palus ikau manyipet bawui te. “Yoh, “ kuan Sangumang.
Ye, Sangumang mandai hantakep, sambil manatap damek sipet. Dia pire-pire katahie, dumah kawan anak bawui je magun hasuring bulue, marakitik sinde penda hantakep Sangumang. Nalua Sangumang ih anak bawui te. Helat due telu menit dumah tinai kawan bawui, lakange, tapi paringkong. Nalua Sangumang ih. Helat due tele menit tinai, mahalau kawan bawui je metuh kabujang, sukup kahai tuntang sadang enyake, magun nalua Sangumang.
Limbah te, palus mahalau ronje-ronjeng tatun bawui “talimpai” (baranian), sama sawu-sawuii garumbing bawui te, gawing kawi-kawit sinde. “Ye, tuh!” kuan atei Sangumang. “PETT!! mebus sipet Sangumang mantakan bawui talimpai te, dia pire palus balihang talimpai te. “Jadi ih” kuan Sangumang, sukup akan pire-pire bulan kumae bawui tuh. Ye, Sangumang, palus mangahau uluh lewu uka mandohop mumah bawui talimpai te. Sana sampai lewu te Sangumang habagi isin bawui te akan uluh are je umba mandohop metun bawui te.
Tara hining awi maharaja, ye maharaja maja kan human Sangumang, misek ampin rajakin sangumang mandop je tau dinun tatu talimpai. Kuan Sangumang dengan maharaja : “dinungku mandop mahapan ingkir, ma.” Haw, ake tau aku minjam “ingkirmute.?” Dia usah ma, paheka ikau ih, keleh balaku ayungku tuh ih, are ih tisae, ikau ih mintihe, en sapak, en barawar. Atawa amun handak garinting, are ih huang belek kau, ikau ih balakue.”! kuan Sangumang.
“Dia aken, aku dia handak balaku dengam, mapai aku maharaja balaku dengam uluh ije pehe belum, kareh akan indu saritan uluh.” Kuan maharaja, hanyak baue leca-lecak. “Kutuh ih aken, aku minjam ingkirmu te ih. hapa ku mandop.
“Amun kilau te, takan ih ma, ikau minjam ingkirku te, tapi bua-buah, itah mandup hapan kasabar.” kuan Sangumang. Dia men aken tawangku ih.” kuan maharaja.
Ye, maharaj mimbit ingkir te, akan himba, manyampai hantakep je eka Sangumang male. Palus mandai maharaja te. Dia pire dumah kea, kawan anak bawui, je magun hasuring bulue. Nalua maharaja ih, di pire tinai dumah kawan lakang bawui je paringkong. Palus hamauh maharaja dengan ingkir, lehan je paringkong nah ingkir...!!!????” kuan maharaja ngombak. Narai taluh ati, lepah dusuh-duruh bawui te buhau, sampai kare talimpai mahin uras tarewen, buhau hadari manyalamat arep ewen.
“Buhen ikau je habut nah maharaja.?” kuan ingkir. “Lepah buhau bawui kau.” Balalu ndahang kasangit maharaja dengan ingkir, awi balang manyipet bawui. Palus nyipet maharaja ingkir te, matei ingkir. Maharaja balalu buli, mambenyem arep hung humae.
Tunggu entai Sangumang kabar bara maharaja, palus jatun. Ye, Sangumang maja marusik maharaja, narai ampin kabar pamandop male.
“Oii, maharaja.” kuan sangumang. Narai ampin kabar tuh, kilen pangulih mandop male.?” pisek Sangumang.
“Terai,” kuan maharaja budas je ingkirmu te, mamparise aku ih. patei ku ie.!!” “Boh.., kilen ikau je mampatei ingkirku nah maharaja, narai hapaku mandup bawui tinai.?” Kuan Sangumang pehe ateie.
Tiwas ie, lalau katahie, magah akangku talimpai. Patei ku ih ie te. “Lahan kapurum ma, “amun kilau te, kueh eka hantun ingkir ku te ikau manganae?” kuan Sangumang. “Eh, ngawuk ku hung balikat kau takuluk ingkir te.”
Ye, Sangumang manduan takuluk ingkir, palus ie mimbit buli takuluk ingkir te.
Parak kapehen atei Sangumang kau intu humae, kutak bata, japa jimat, sambil maninjek kuluk ingkir nah. Ninjek sinde, lembut kare halamaung, balanga. Ninje handue, lembut kare garantung, gandang. Ninje tinai lembut amas hintan. Ninjek hunjun meja, lembut kare bari panginan. Tinjek, sing tinje-tinjek hapus human Sangumang, kuntep kare panatau panuhan Sangumang.
Tara hining awi maharaja tinai, Sangumang salenga tau tatau sanang. Palus maharaja misek dengan Sangumang. Ye, Sangumang mamander, basa kuluk ingkir nah je mawi ie tatau.
Maharaja handak tinai minjam kuluk ingkir te, nyamah jua-juan sinde dengan Sangumang. Awi maharaja puna je patut ihormat tuntang puna mama Sangumang kea. Kajariae nyahaman Sangumang kea takuluk ingkir te.
“Sana sampai intu huma, maharaja balalu japa jimat kea sambil maninjek, kare karung lawang, lembut kea kare halamaung balanga, garantung gandang. Ninjek lengen Langgir lembut kare galang amas hintan. Tinjek sing katinje-tinjek, bo salenga sala tinjek, tatinjek paka Langgir. “Kep!!” leket, takirut paka Langgir te awi kuluk ingkir nah.
“Ado-adohh!!!! kuan Langgir. Narai nah maharaja, kilen je kilau tuh, kuluk ingkir tuh mamangkit aku.???”
Maharaja panik, dia tau malapas pangkit ingkir te, sasar ie handak malapas, sasar leket pangkit kasingan kuluk ingkir. “Ayo, dohop talih Sangumang kanih, uka ie mengkak kuluk ingkir tuh. kuan Langgir dengan maharaja.
Ye maharaja palus manalih Sangumang, balaku dodop mengkak pangkit kuluk ingkil je mamangkit paka langgir.
Dumah kea Sangumang manalih human maharaja. palus manampayah narai mawi Langgir. “Dohop aken, dohop, matei aku tuh, kuan Langgir. “Dia aku tawan ampie” kuan Sangumang. “Awi kadaham ketun. “Ela, ela aken... kuan maharaja, dohop minam kau, tuntang ela ikau nyarita akan oloh narai je mawi ikei tuh!!” kuan maharaja.
“Dia balang ma, tampulu angin bagus, narungku ikau ma.!” kuan Sangumang manggaracak maharaja.
“Uju gantang behas bahataku akan ngawa, uju gantang bahataku akan ngaju. Narungku ikau ma.!” Kuan Sangumang.
“Bakiwak beseiku, inambingku. Bapelek tekenku inuntungku, narungku ikau ma..”
“Ela, ela aken, elaaa....!” Kareh aku manenga akam bawi jahawen.
“Akan naraiku, ma...!” Akan sawangku lalau kakaree.! Akan jipenku, ewen te betauku..!”
“Ela aken, kareh aku manenga akam Putir Busu..!”
“He, apa kuan Putir Busu, palus aku ih ekae..” (puna Putir Busu handak kea dengan Sangumang)
“Tutu nah ma..?” kuan Sangumang. “Tutu kuan maharaja asal ikau mengkak pangkit ingkir kau.”
Yoh ih, kuan Sangumang. Palus Sangumang manukep kuluk ingkir, masu-masut Sangumang, kuluk ingkir, palus bengkak / balapas pangkit kuluk ingkir.
Ye Sangumang balalu kawin dengan Putir Busu.
LEPAH KESAH.
PETEH KESAH TUH :
1. Sifat je Sabar, sifat je randah atei, tuntang tau habagi hatenga rajaki kilau Sangumang patut manjadi suntu tuntang taladan.
2. Sifat je bajuhu (sombong, balecak), mahina uluh pehe belum, dia sabar, tuntang bakuhu (badaham) kilau maharaja ela itah manyuntue. Tau mangapehe itah kabuat. Keleh basyukur dengan taluh je atun. Panatau jatun tikas sarae.
3. Amun malalus taluh gawi, satiar usaha keleh hapan kapintar tuntang kaharati. Dan manyarah taluh handiai akan Hatalla, uka impahayak tuntang imberkat.
Hung sinde katika Sangumang tulak mandop tinai (awi puna hobbye mandop te), te Sangumang mantehau asue : “ iiiiiiiiiiiiiiiiiiuu.........!!!!!! iiiiiiiiiiuu..........!!!” Palus dumah asun Sangumang menuntut ...... tanjung Sangumang.... manintu himba buang.
Sana sampai himba te asun Sangumang , malayap, puna asue intihan je Menteng.
Salenga mangang, patahan asun Sangumang te.... : “gu...gu...gu....guuuuu.......!!!!
Ye..!! te...! KuDan atei Sangumang. “Patahan metu auhe.” Sakalinya asu te mangang ingkir. Palus Sangumang mantajuk sipet, handak manyipet ingkir.
“Ela.....ela....ela.... !“ kuan ingkir. “ampun aku...!” Kareh aku mandup akam kare bawui ...” kuan ingkir. Ye, Sangumang balang manyipet ingkir.
Pea hureh baka, puna tutu ih ingkir mimbit Sangumang akan ije hantakep. Kuan ingkir : “ ikau mentai hung hetuh ih, sabar mentai, bawui mahalau, ela ikau habut, ikau ih mintihe..... amun puna pas angat palus ikau manyipet bawui te. “Yoh, “ kuan Sangumang.
Ye, Sangumang mandai hantakep, sambil manatap damek sipet. Dia pire-pire katahie, dumah kawan anak bawui je magun hasuring bulue, marakitik sinde penda hantakep Sangumang. Nalua Sangumang ih anak bawui te. Helat due telu menit dumah tinai kawan bawui, lakange, tapi paringkong. Nalua Sangumang ih. Helat due tele menit tinai, mahalau kawan bawui je metuh kabujang, sukup kahai tuntang sadang enyake, magun nalua Sangumang.
Limbah te, palus mahalau ronje-ronjeng tatun bawui “talimpai” (baranian), sama sawu-sawuii garumbing bawui te, gawing kawi-kawit sinde. “Ye, tuh!” kuan atei Sangumang. “PETT!! mebus sipet Sangumang mantakan bawui talimpai te, dia pire palus balihang talimpai te. “Jadi ih” kuan Sangumang, sukup akan pire-pire bulan kumae bawui tuh. Ye, Sangumang, palus mangahau uluh lewu uka mandohop mumah bawui talimpai te. Sana sampai lewu te Sangumang habagi isin bawui te akan uluh are je umba mandohop metun bawui te.
Tara hining awi maharaja, ye maharaja maja kan human Sangumang, misek ampin rajakin sangumang mandop je tau dinun tatu talimpai. Kuan Sangumang dengan maharaja : “dinungku mandop mahapan ingkir, ma.” Haw, ake tau aku minjam “ingkirmute.?” Dia usah ma, paheka ikau ih, keleh balaku ayungku tuh ih, are ih tisae, ikau ih mintihe, en sapak, en barawar. Atawa amun handak garinting, are ih huang belek kau, ikau ih balakue.”! kuan Sangumang.
“Dia aken, aku dia handak balaku dengam, mapai aku maharaja balaku dengam uluh ije pehe belum, kareh akan indu saritan uluh.” Kuan maharaja, hanyak baue leca-lecak. “Kutuh ih aken, aku minjam ingkirmu te ih. hapa ku mandop.
“Amun kilau te, takan ih ma, ikau minjam ingkirku te, tapi bua-buah, itah mandup hapan kasabar.” kuan Sangumang. Dia men aken tawangku ih.” kuan maharaja.
Ye, maharaj mimbit ingkir te, akan himba, manyampai hantakep je eka Sangumang male. Palus mandai maharaja te. Dia pire dumah kea, kawan anak bawui, je magun hasuring bulue. Nalua maharaja ih, di pire tinai dumah kawan lakang bawui je paringkong. Palus hamauh maharaja dengan ingkir, lehan je paringkong nah ingkir...!!!????” kuan maharaja ngombak. Narai taluh ati, lepah dusuh-duruh bawui te buhau, sampai kare talimpai mahin uras tarewen, buhau hadari manyalamat arep ewen.
“Buhen ikau je habut nah maharaja.?” kuan ingkir. “Lepah buhau bawui kau.” Balalu ndahang kasangit maharaja dengan ingkir, awi balang manyipet bawui. Palus nyipet maharaja ingkir te, matei ingkir. Maharaja balalu buli, mambenyem arep hung humae.
Tunggu entai Sangumang kabar bara maharaja, palus jatun. Ye, Sangumang maja marusik maharaja, narai ampin kabar pamandop male.
“Oii, maharaja.” kuan sangumang. Narai ampin kabar tuh, kilen pangulih mandop male.?” pisek Sangumang.
“Terai,” kuan maharaja budas je ingkirmu te, mamparise aku ih. patei ku ie.!!” “Boh.., kilen ikau je mampatei ingkirku nah maharaja, narai hapaku mandup bawui tinai.?” Kuan Sangumang pehe ateie.
Tiwas ie, lalau katahie, magah akangku talimpai. Patei ku ih ie te. “Lahan kapurum ma, “amun kilau te, kueh eka hantun ingkir ku te ikau manganae?” kuan Sangumang. “Eh, ngawuk ku hung balikat kau takuluk ingkir te.”
Ye, Sangumang manduan takuluk ingkir, palus ie mimbit buli takuluk ingkir te.
Parak kapehen atei Sangumang kau intu humae, kutak bata, japa jimat, sambil maninjek kuluk ingkir nah. Ninjek sinde, lembut kare halamaung, balanga. Ninje handue, lembut kare garantung, gandang. Ninje tinai lembut amas hintan. Ninjek hunjun meja, lembut kare bari panginan. Tinjek, sing tinje-tinjek hapus human Sangumang, kuntep kare panatau panuhan Sangumang.
Tara hining awi maharaja tinai, Sangumang salenga tau tatau sanang. Palus maharaja misek dengan Sangumang. Ye, Sangumang mamander, basa kuluk ingkir nah je mawi ie tatau.
Maharaja handak tinai minjam kuluk ingkir te, nyamah jua-juan sinde dengan Sangumang. Awi maharaja puna je patut ihormat tuntang puna mama Sangumang kea. Kajariae nyahaman Sangumang kea takuluk ingkir te.
“Sana sampai intu huma, maharaja balalu japa jimat kea sambil maninjek, kare karung lawang, lembut kea kare halamaung balanga, garantung gandang. Ninjek lengen Langgir lembut kare galang amas hintan. Tinjek sing katinje-tinjek, bo salenga sala tinjek, tatinjek paka Langgir. “Kep!!” leket, takirut paka Langgir te awi kuluk ingkir nah.
“Ado-adohh!!!! kuan Langgir. Narai nah maharaja, kilen je kilau tuh, kuluk ingkir tuh mamangkit aku.???”
Maharaja panik, dia tau malapas pangkit ingkir te, sasar ie handak malapas, sasar leket pangkit kasingan kuluk ingkir. “Ayo, dohop talih Sangumang kanih, uka ie mengkak kuluk ingkir tuh. kuan Langgir dengan maharaja.
Ye maharaja palus manalih Sangumang, balaku dodop mengkak pangkit kuluk ingkil je mamangkit paka langgir.
Dumah kea Sangumang manalih human maharaja. palus manampayah narai mawi Langgir. “Dohop aken, dohop, matei aku tuh, kuan Langgir. “Dia aku tawan ampie” kuan Sangumang. “Awi kadaham ketun. “Ela, ela aken... kuan maharaja, dohop minam kau, tuntang ela ikau nyarita akan oloh narai je mawi ikei tuh!!” kuan maharaja.
“Dia balang ma, tampulu angin bagus, narungku ikau ma.!” kuan Sangumang manggaracak maharaja.
“Uju gantang behas bahataku akan ngawa, uju gantang bahataku akan ngaju. Narungku ikau ma.!” Kuan Sangumang.
“Bakiwak beseiku, inambingku. Bapelek tekenku inuntungku, narungku ikau ma..”
“Ela, ela aken, elaaa....!” Kareh aku manenga akam bawi jahawen.
“Akan naraiku, ma...!” Akan sawangku lalau kakaree.! Akan jipenku, ewen te betauku..!”
“Ela aken, kareh aku manenga akam Putir Busu..!”
“He, apa kuan Putir Busu, palus aku ih ekae..” (puna Putir Busu handak kea dengan Sangumang)
“Tutu nah ma..?” kuan Sangumang. “Tutu kuan maharaja asal ikau mengkak pangkit ingkir kau.”
Yoh ih, kuan Sangumang. Palus Sangumang manukep kuluk ingkir, masu-masut Sangumang, kuluk ingkir, palus bengkak / balapas pangkit kuluk ingkir.
Ye Sangumang balalu kawin dengan Putir Busu.
LEPAH KESAH.
PETEH KESAH TUH :
1. Sifat je Sabar, sifat je randah atei, tuntang tau habagi hatenga rajaki kilau Sangumang patut manjadi suntu tuntang taladan.
2. Sifat je bajuhu (sombong, balecak), mahina uluh pehe belum, dia sabar, tuntang bakuhu (badaham) kilau maharaja ela itah manyuntue. Tau mangapehe itah kabuat. Keleh basyukur dengan taluh je atun. Panatau jatun tikas sarae.
3. Amun malalus taluh gawi, satiar usaha keleh hapan kapintar tuntang kaharati. Dan manyarah taluh handiai akan Hatalla, uka impahayak tuntang imberkat.
Tidak ada komentar:
Posting Komentar