Hung pahalisang ewen kau, jukung ewen jalanen, name danum, Kuan ije je biti je mambesei, “Haww!! dohop nimba jukung itah tuh, kahem kareh.” Palus tumbah ih ije biti "Haw! Aku tuh Raja", dia patut aku manimba.”
Kuan ije tinai, "Yoh!! aku tuh Tamanggung, dia patut aku manimba!!”;
“Haw! kuan ije tinai "aku tuh Damang, mahin dia patut aku manimba...!!”
Ikau ih kuan ewen 3 kau dengan je mambesei.
Tumbah ih je mambesei te, “Sama ih amun kilau te, “Aku tuh Dambung” Mahin parak aku mambesei jari mangalah, nyuhu keton manimba tinai.... Lalau kea keton tuh, aku gin dia hakun manimba..!!”
Ye, uras manalua jukung, jajalan are danum tame, sama dia hakun manimba. Kajaria jukung kau "kahem". Jukung tuntang puat leteng-nihau, ewen epat kau sama hanangui mawat arep, uras dia sampai pahalisang ewen 4 kau, haranan uras handak manjadi raja. Ela je manjadi raja, malah kahem, manganan ramu panatau ih.
RIMAE :
1. Itah tuh harus randah atei, ela bajuhu (sombong), ela mangkeme gantung pangkat, jabatan, gantung sakula, dia handak mawi gawi kurik.
2. Itah ela madu arep ih, keleh hakadohop mawat ampin taluh handiai. Keleh itah pakat, akan kasalamat uluh are.
3. Amun handak mancalon jadi pajabat ela uras handak maju, "aku tuh je patut, jadi, raja, tamanggung, damang, ikau dia patut". Ela-ela kareh kahem jukung ketun.
(Mat 23:11-12 Barangsiapa terbesar di antara kamu, hendaklah ia menjadi pelayanmu. -- Dan barangsiapa meninggikan diri, ia akan direndahkan dan barangsiapa merendahkan diri, ia akan ditinggikan. ; Gal 6:2-3 "Bertolong-tolonganlah menanggung bebanmu! Demikianlah kamu memenuhi hukum Kristus. -- Sebab kalau seorang menyangka, bahwa ia berarti, padahal ia sama sekali tidak berarti, ia menipu dirinya sendiri.")
Tidak ada komentar:
Posting Komentar