SANSANA MAGAH TIRUH
“Oo... bapa Palui, nempe parei akan itah karehlah, aku handak tulak
mambawau helu”. Kuan indu Palui. “Jam pire nah?” kuan bapa Palui.“Kareh, nunggu matan andau lalawin enyuh kau.!!” kuan indu Palui.
Indu Palui tulak akan tana handak mambawau. Metuh lihi indu Palui ka tana, sakalinya bapa Palui kau, ruka-rukat, metun lisung – halu mandai akan taruk enyuh. Limba te ie munda kea kare parei je handak akan tepe nah.
Sana uras sampai taruk enyuh te, ye bapa Palui nampara manempe parei. “Dop, dop, dop”, auh lisung halu bapa Palui intu taruk enyuh kanih.
Sadang kalemei, dumah indu Palui bara tana. Tara hining indu Palui auh je “dop, dop, dop, hila ngambu kanih. Kili-kilik indu Palui, narai satuae je dop, dop taruk enyuh kanih, kuan itung indu Palui.
Sakalinya sana nampayah intu taruk eyuh kanih, rahat bapa Palui asik manempe parei, dop, dop.
Sap, angat dahan indu Palui, dia tapa sarenan kasangit indu Palui, palus ie malait, mantehau bapa Palui.
“Oiiiii...!!!!! bapa Palui, ayu, muhun ikau.! narai gawim je manempe parei taruk enyuh kau...!!! Lalau sinde je kabureng, kapaleng, kahumung, kamamehm kau...!!!
Sana muhun bapa Palui, indu Palui puna paham kasangite, balalu indu Palui mangisai, mupet, manatal bapa Palui.
Lepah nyikate kare baue matan bapa Palui, lepah kare like-kapapan bapa Palui, balua kare kitat bapa Palui kahain bua dango;
Lepah balua kare borek bapa Palui, mansuluh kilau uwei bajungan kahaie; Ngacok ngiruk kare pinding bapa Palui, nega-negah indu Palui, lepah balua kare taning bapa Palui, tapanting kahain sangkalan;
Awi pukul tatal indu Palui te, lepah balua kare bontang ameh bapa Palui.
Puna sadang ih angate bapa Palui manyarenan taluh je awi indu Palui, tapi limbah te, bo salenga bapa Palui te, hubah manjadi uluh hatue je bakena, balinga, hayak pintar tuntang harati.
Hahahaa..... tamam kea resep indu Palui kau....kau...kauuuu!!!!
Peteh Penyang :
1. Amun tege auh uluh, keleh hining bua-buah, titip tarah, ela balagak katawan padahal hindai katawan. Ela dus dahuyan, dus karap.
2. Marima tutu-tutu sahelu bara bagawi.
3. Taluh gawi je ampie mangapehe tau kea akan kahalap. Hining tingak ajar uluh bakas, pukul jara mangat itah barendeng, pintar tuntang harati.
(amun tege katapas kesah tuh, dohop pahari tau mandahange. Trms)
Indu Palui tulak akan tana handak mambawau. Metuh lihi indu Palui ka tana, sakalinya bapa Palui kau, ruka-rukat, metun lisung – halu mandai akan taruk enyuh. Limba te ie munda kea kare parei je handak akan tepe nah.
Sana uras sampai taruk enyuh te, ye bapa Palui nampara manempe parei. “Dop, dop, dop”, auh lisung halu bapa Palui intu taruk enyuh kanih.
Sadang kalemei, dumah indu Palui bara tana. Tara hining indu Palui auh je “dop, dop, dop, hila ngambu kanih. Kili-kilik indu Palui, narai satuae je dop, dop taruk enyuh kanih, kuan itung indu Palui.
Sakalinya sana nampayah intu taruk eyuh kanih, rahat bapa Palui asik manempe parei, dop, dop.
Sap, angat dahan indu Palui, dia tapa sarenan kasangit indu Palui, palus ie malait, mantehau bapa Palui.
“Oiiiii...!!!!! bapa Palui, ayu, muhun ikau.! narai gawim je manempe parei taruk enyuh kau...!!! Lalau sinde je kabureng, kapaleng, kahumung, kamamehm kau...!!!
Sana muhun bapa Palui, indu Palui puna paham kasangite, balalu indu Palui mangisai, mupet, manatal bapa Palui.
Lepah nyikate kare baue matan bapa Palui, lepah kare like-kapapan bapa Palui, balua kare kitat bapa Palui kahain bua dango;
Lepah balua kare borek bapa Palui, mansuluh kilau uwei bajungan kahaie; Ngacok ngiruk kare pinding bapa Palui, nega-negah indu Palui, lepah balua kare taning bapa Palui, tapanting kahain sangkalan;
Awi pukul tatal indu Palui te, lepah balua kare bontang ameh bapa Palui.
Puna sadang ih angate bapa Palui manyarenan taluh je awi indu Palui, tapi limbah te, bo salenga bapa Palui te, hubah manjadi uluh hatue je bakena, balinga, hayak pintar tuntang harati.
Hahahaa..... tamam kea resep indu Palui kau....kau...kauuuu!!!!
Peteh Penyang :
1. Amun tege auh uluh, keleh hining bua-buah, titip tarah, ela balagak katawan padahal hindai katawan. Ela dus dahuyan, dus karap.
2. Marima tutu-tutu sahelu bara bagawi.
3. Taluh gawi je ampie mangapehe tau kea akan kahalap. Hining tingak ajar uluh bakas, pukul jara mangat itah barendeng, pintar tuntang harati.
(amun tege katapas kesah tuh, dohop pahari tau mandahange. Trms)
Tidak ada komentar:
Posting Komentar